Gschicht hend miär äigentlich nu nid so nä langi. S'hed uf jedäfall imä Ruisch drmit aagfangä, dass dr Chrigi und dä Rochus hend wellä ä Guuggä grindä, wider äinisch. Sie hends de ai wideräinisch vergässe und hend inzwischä schowider drey frischi wellä grindä. Da hed doch dr Chrigi eines Tages d'Idee gha, mä chenti ja wirklich eppis druis machä, und hed sich der Idee bsunnä, wo diä zwee gha hend, dazumal. Är hed de äs paar Leyt mid der Idee beläschiged, und siehe da, ändi nulläis leyd doch tatsächlich ä Iiladig zur Grindigs-GVai im Briäfchaschtä vo eppä zäh unschuldigä, seriösä, jungä Burschtä. So isch de diä erschti GVai z'schtand cho und hed bi dr Betäiligtä helli Begäischterig uisgleest. Äs hed sich de ergä, dass miär, d'Klabuschterguugge Stans, eys am 12. Januar 2002 grinded hend. Mittlerweylä sind miär scho a dr drittä Fasnacht gsi midänand und hends usehd luschtig gha, we miärs ai immer hend. Obwohl miär immernu ä Manneguugge sind, hed sich s'äint oder s'ander gändered. Grundsätzlich sind aber immer nu diä gleychä stuirä Grindä drbiä, und hends äifach guäd...