Samschtig  Miär sind wider vou motiviärd zum eys vo dr beschtä Seytä z zeigä! Nach unzähligä Probä, Baschtelstundä und Fasnachtsstrategiediskussionä sind miär grischted für d Fasnacht 2008. Diä herti Probewuchä z Sibiriä hed zwar mängem zuägsetzt, und hed s'Letscht vo jedem gfordered, aber nur so hed eysi Genialität chennä us eys uisäghoud wärdä!!! I dem Sinn: ä musikalisch perfekti und rythmisch korräkti Fasnacht! Freytig  Und das wärs de wider gsi mid dr Fasi, diä erscht mid schwärwiägendem Verluscht. Minus äs Sousi, ä Posuinä und ä Chuchi. Chle schaad. Aber miär gänd wäge dem nid uif und machid weyter und chemid de neechscht Fasnacht sicher ai wider eppä äis go nä. Jäjäjä. Mäntig  Und wiu miär da so fleyssig neywi Sachä inäschreybid und wiu etz scho schiär wider äs Jahr umä isch, tuänich das wohl gfiärtä und alltäglich erfrischtä News - Blettili wider äinisch beglickä midämä Iitrag, wo zwar d'Wäut nid verändered, aber ai nid viu meh säid as das d'Fasnacht ez doch zumänä Ändi gfundä hed und uf eysärä magärä, aber doch rächt stilvollä Biudliseytä äs paar Uberreschtä a Gedankäblitz, faus sich da nu epper dra erinnärä cha, gsammled wordä und vornä ambivaläntä Hindergrund gsetzt wordä sind und hoffentlich ai vo irgändämä Dubu, seygs äinä vo eys oder äinä vo denä wo wenich ai au Jahr probiärid, äs paar Gedankäblitz z b'hautä, aagluägt wärdid. So, ade. Mäntig  So iär luschtigä Siäche, s'mäischt isch g'ändered. Dr Rescht scheysst mich etz grad aa zmachä, aber das tuänich de äs anders mal. Mäntig  Mingu, miär wärdid Dich niä vergässe... Sunntig  Miär hend äs strängs Wuchenänd hinder eys! Nach derä Marathon-GVai (miär hend ja mes zwee Stund gha) sind miär am Freytig nu zu dä Surris i Ängusaal go spilä. Danke, Surris, isch gäil gsi. Und dankä Publikum, dass iär eys erträid hend ;-) Neechscht Wuchenänd isch de Ribihäxe - Jubi, und miär derfid de am Freytig midärä Delegation aatrabä, dr Rescht vo dr Guugge schaffed sowieso... Guäti Erholig winsch ich auerseyts....... Sunntig  Hallo Mitglieder und Fans und aui anderä Dublä uf derä Chuglä. Äs gahd wider äinisch eppis uf derä Seytä. Und zwar hanich Fotili vo dr Fasnacht 03 (sind sehr spärlich, und erscht grad iitroffä) druif ta, mit eysm Chuäche, wo miär vo dr Chäutis ubercho hend. Scho baud isch wider Fasnacht, und miär wissid, we all Jahr, nu käs Motto. Irgend wenn im Jänner gids de aber nu ä GVai, und det chunds de uis. Miär wärid aber ai offä fir Vorschleg vo ussä... Auso, miär gsehnd eys. Los Clabuçtéros Zeyschtig  Ich ha wider änisch eppis neys uf d memberseytä ta, vilicht gids etz chle efters eppis neys,... vilicht!!! Zeyschtig Äs gid gleych nu ä chleyni Änderig: Datum Freytig, dr 6. Dezämber, dr Rescht stahd im Gäschtebuech. Samschtig  Und äs isch soweit!!!! Klabuschteruisflug!!!!! Und zwar am Freytig Abig, am 15. Nov. 02. Achtung: Äs gahd bis am Samschtig........... Sunntig  Äs hed etz ä Agända dr zue gäh, wo sich hoffentlich gley fiud. Mittwuch  Dr Sandi isch ja für seys schaispielerischä Könne bekannt. Jetz chamä das wider bewundärä, und zwar im Stuck D WAHRHEIT UBER DÄ ISIDOR WANNER, mid ämä Klabuschteler und viunä andärä bekanntä Gsichter. Mittwuch  Letschä Samschtig isch dr Rolf vo Kamerun häicho. Miär hend Miär hend de das ai gebührend gfeyred, und zwar i dr Melachere. Sunntig  Das isch s'erschtmal, wonich eppis da drinä schreybä. Etz isch sie online, eysi Homepage.